Өмнөд Солонгос, Хятад, Япон болон Зүүн өмнөд Азийн бүс нутгийн хамтын ажиллагааны нийгэмлэг буюу АСЕАН-ы гишүүн орнуудын олон талт валют солилцооны хэлэлцээр болох Чин Май санаачилгын олон талт механизм (CMIM)-ын шинэчилсэн хувилбар лхагва гарагт албан ёсоор хэрэгжиж эхэлснийг Солонгосын Төв банк мэдээлэв.
АСЕАН+3 бүлгийн бүх 13 гишүүн орон уг шинэчилсэн гэрээг батлах дотоодын хууль эрх зүйн зохицуулалтаа бүрэн дуусгажээ. Уг шинэчлэлийг 2025 оны тавдугаар сард болсон АСЕАН+3-ын Сангийн сайд нар болон Төв банкны ерөнхийлөгч нарын уулзалтын үеэр эцэслэн дэмжсэн бөгөөд гарын үсэг зурах үйл явц бүрэн дууссанаас хойш долоо хоногийн дараа хэрэгжиж эхэлсэн нь энэ юм.
Шинэчлэгдсэн хэлэлцээрт Шуурхай санхүүжилтийн хэрэгсэл (RFF) хэмээх шинэ бүтэц нэмэгдсэн байна. Энэ нь төлбөрийн тэнцлийн гэнэтийн хямрал, бэлэн мөнгөний яаралтай хэрэгцээ тулгарсан гишүүн улсуудад санхүүгийн тусламжийг шуурхай олгох боломжийг бүрдүүлж байгаагаараа чухал ач холбогдолтой юм.
Анх 2010 онд байгуулагдсан Чин Май санаачилгын олон талт механизм нь санхүүгийн хямралын үед гишүүн орнуудын эдийн засагт хөрвөх чадварын дэмжлэг үзүүлэх зорилготой ажилладаг. Одоогийн байдлаар тус сангийн нийт хөрөнгийн хэмжээ 240 тэрбум ам.долларт хүрээд байгаа бөгөөд үүнээс Өмнөд Солонгос улс 38.4 тэрбум ам.долларыг бүрдүүлж байна.
