Шотландын зохион байгуулалттай гэмт хэргийн бүлэглэлийн тэргүүнүүдийн нэг Стивен Лайонс Испанид ирлээ. Түүнийг зохион байгуулалттай гэмт хэрэгтэй холбоотой хэд хэдэн хэргээр шилжүүлэн өгөх хүсэлтийг эсэргүүцсэн ч амжилтгүй болсон юм. 46 настай Лайонсыг гуравдугаар сард Балид Испанийн Иргэний гвардийн гаргасан Европын баривчлах тогтоолын дагуу саатуулжээ. Өнгөрсөн долоо хоногт тэрбээр Нидерландаас шилжүүлэн өгөх шийдвэрийг хориглох оролдлого хийсэн ч бүтэлгүйтэв. Иргэний гвардийн мэдээлснээр, Лайонсыг одоо ‘Испанид гарсан аллагын хэрэгт холбогдсон байж болзошгүй’ хэргээр мөрдөн шалгаж байна. Түүнийг Амстердамаас Мадридын Барахас нисэх буудалд буухад цагдаа нар угтан авч, цагдаагийн машинд суулгаж буй бичлэг цахим орчинд таржээ. Испанийн үндэсний цагдаагийн газраас Лайонсыг хар тамхины наймаа, мөнгө угаах, мөн 2024 онд гарсан аллагын хэрэгт холбогдуулан эрэн сурвалжилж байсан гэж мэдэгдэв. Тэрбээр 20 гаруй жилийн турш өрсөлдөгч Даниелийн бүлэглэлтэй цуст мөргөлдөөнд оролцсон Лайонсын бүлэглэлийн толгойлогч юм.
Шотландын гэмт хэргийн толгойлогч Стивен Лайонс Испанид шилжүүлэгдэв
