Франц улсад Эбола вирусийн анхны тохиолдол бүртгэгдлээ. Бүгд Найрамдах Ардчилсан Конго Улсад хүмүүнлэгийн үйлсэд оролцоод ирсэн эмчээс уг вирус илэрснийг Францын Эрүүл мэндийн яам лхагва гарагт мэдэгдэв. Өвчтөнийг нэн даруй тусгай эмнэлэгт хэвтүүлсэн бөгөөд биеийн байдал нь тогтвортой байна. БНА Конго улсад өнгөрсөн сард Эболагийн дэгдэлт зарласан ч мэргэжилтнүүд вирус үүнээс хэдэн долоо хоногийн өмнөөс тархсан байж болзошгүй гэж үзэж байна. Тус улсад нийт 1000 гаруй хүн халдвар авч, 260 гаруй хүн нас баржээ. Энэ нь Европт бүртгэгдсэн анхны тохиолдол юм. Өнгөрсөн сард БНА Конгод халдвар авсан Америк эмчийг Германы эмнэлэгт эмчилсэн ч тэрээр Европт халдвар аваагүй байв. БНА Конгогийн хөрш Уганда улсад ч Эболагийн тохиолдлууд батлагдаж, Дэлхийн Эрүүл Мэндийн Байгууллага (ДЭМБ)-ын мэдээлснээр 20 хүн халдвар авч, хоёр хүн нас барсан байна.
