Европ тив даяар аагим халуун үргэлжилж, ойрын өдрүүдэд температурын дээд амжилтууд эвдэгдэх төлөвтэй байна. Тухайлбал, Амстердам хотод энэ долоо хоногийн сүүлээр агаарын температур 38 хэмд хүрч болзошгүй. Үүнтэй тэмцэхийн тулд Амстердам хот оршин суугчдад зориулсан ‘сэрүүн цэгүүд’-ийн сүлжээг бий болгожээ. Номын сан, хотын ферм, театр, сүм хийд, олон нийтийн төв, тэр байтугай супермаркетууд зэрэг газруудад эдгээр цэгүүдийг байгуулж, суудал, ундны ус, ариун цэврийн өрөөгөөр хангаж байна. Эхний үед 12 сэрүүн цэгийн ихэнхийг халууны эрсдэл хамгийн өндөр гэж тодорхойлогдсон Ниув-Вест дүүрэгт төвлөрүүлжээ. Хотын албаныхан сүүдэр, эмзэг бүлгийн иргэдийн тоо зэргийг харгалзан эдгээр цэгүүдийг байгуулсан байна.
