Беларусь улс Умард Солонгост Элчин сайдын яамаа наймдугаар сарын 1-нээс өмнө нээнэ гэж Беларусийн хэвлэл мэдээлэв. Энэхүү төлөвлөгөө нь Ерөнхийлөгч Александр Лукашенкогийн өнгөрсөн сард Умард Солонгост хийсэн айлчлалын нэг хэсэг юм. Беларусийн Ерөнхий сайд Александр Турчин Ерөнхийлөгчийн айлчлалын дараах үүрэг даалгаврыг биелүүлж, Элчин сайдын яам нээх тухай тогтоолд гарын үсэг зурсан тухай Беларусийн БЕЛТА агентлаг мэдээлэв. Лукашенко гуравдугаар сарын 25-26-нд Умард Солонгост айлчилж, удирдагч Ким Жон Унтай дээд хэмжээний уулзалт хийж, хоёр талын харилцааг гүнзгийрүүлэх зорилготой найрамдал, хамтын ажиллагааны гэрээнд гарын үсэг зурсан юм. Хоёр улс Оросыг Украинд хийж буй дайнд дэмжиж байгаа тул Умард Солонгос, Беларусь хоёр харилцаагаа улам гүнзгийрүүлж байна.
