Баруун Австралийн тойргийн шүүх алдартай зохиолч Крейг Силвид хүүхдийн садар самуун материал тарааж, хадгалсан хэргээр долоон сарын хорих ял оноолоо. Өдгөө 44 настай тэрбээр өөрийн гэм бурууг хүлээн зөвшөөрсөн байна.
Цагдаа нар түүний Фримантл дахь гэрт нэгжлэг хийх үеэр зөөврийн компьютер, гар утаснаас нь хууль бус дүрс бичлэг, гэрэл зургуудыг илрүүлжээ. Мөн гурван хүүхдийн эцэг болох Силви насанд хүрэгчдийн сайтад бусадтай харилцаж, хүүхэд сонирхдог тухайгаа бичсэнийг мөрдөн байцаалтаар тогтоосон байна.
Шүүгч Хэйли Корманн энэхүү үйлдлийг маш ноцтой, хүүхдийн эрхийг бүдүүлгээр зөрчсөн хөнөөлт хэрэг хэмээн тодорхойлж, нийгэмд үзүүлэх хор уршиг их болохыг онцлов. Түүнд холбогдох зарим нэмэлт зүйл ангийг өнгөрсөн тавдугаар сард хэрэгсэхгүй болгожээ.
Крейг Силви 2009 онд 'Jasper Jones' зохиолоороо нэрд гарч байсан бөгөөд 2021 онд 'Honeybee' бүтээлээрээ Австралийн бие даасан номын шагнал хүртэж байв. Гэмт хэрэгт холбогдсонтой холбогдуулан хэвлэлийн газрууд түүний номуудыг сурталчлахаа зогсоож, унших жагсаалтаас бүрэн хасчээ.
