Өнгөрсөн гуравдугаар сард Баруун Австралийн Пилбара бүс нутгийг дайрсан хуучин циклон Нареллийн үеэр анхааруулах системд үүссэн будлианаас болж иргэд аюулгүй байдалд нь санаа зовж, сайжруулахыг шаардаж байна. Циклоны үеэр Дампиер хотод ‘Онцгой байдлын анхааруулга’ зарласан ч ердөө 15 км зайтай орших Каррата хотыг ‘Ажиглаж, арга хэмжээ ав’ гэсэн түвшинд үлдээжээ. Энэ нь Карратагийн оршин суугчдыг ‘маш аюултай’ нөхцөлд ч хэвийн үйл ажиллагаагаа үргэлжлүүлэхийг зөвшөөрсөн хэрэг болсон юм. Гал түймэр, онцгой байдлын алба (DFES) Каррата хот ‘Онцгой байдлын анхааруулга’ зарлах шаардлага хангаагүй гэж мэдэгдсэн ч иргэд уг шийдвэрийг эргэн харахыг хүссэн өргөдөл гаргажээ. Тус циклон нь Баруун Австралийн Пилбара болон Гаскойн эргийг дайрч, хэд хэдэн хотод DFES-ийн хамгийн өндөр түвшний анхааруулга болох ‘Онцгой байдлын анхааруулга’ зарлахад хүргэсэн юм.
Хуучин циклон Нареллийн үеэр анхааруулах систем иргэдийг ‘айдаст’ автуулжээ
