Их Британийн хамгийн том шувуу хамгаалах байгууллага болох Хатан хааны Шувуу Хамгаалах Нийгэмлэг (RSPB) цэцэрлэгийн шувуудыг дулаан улиралд тэжээхгүй байхыг уриалав. Сая сая хүн шувуудыг татахын тулд тогтмол тэжээл тавьдаг ч, тавдугаар сарын 1-нээс аравдугаар сарын 31-ний хооронд завсарлахыг зөвлөж байна. Учир нь дулаан саруудад шувууны тэжээл тавьдаг газрууд өвчин үүсгэгчдийн голомт болж болзошгүй юм. Ялангуяа трихомоноз хэмээх өвчин ногоон богширго, жиргээ зэрэг шувуудын тоо толгойг эрс цөөрүүлжээ. Нэгэн цагт Их Британийн цэцэрлэгт элбэг байсан ногоон богширгын тоо хоёр саяар буурч, одоо устах аюултай шувуудын улаан жагсаалтад орсон байна. Трихомоноз нь шувууны ам, хоолой, хоол боловсруулах дээд замыг гэмтээдэг шимэгч хорхойн улмаас үүсдэг бөгөөд шувууд идэж, ууж, амьсгалахад хүндрэл учруулдаг. Халдвартай шувууд шүлс, баасаараа дамжуулан шимэгчийг тарааж, тэжээлийг бохирдуулдаг тул RSPB-ээс ийнхүү сэрэмжлүүлж байна.
Их Британи: Шувууны тэжээл өвчин тараах эрсдэлтэйг RSPB анхааруулав
