АНУ-ын төрөлтийн түвшин түүхэн доод цэгт хүрч, сүүлийн хорин жилийн бууралт үргэлжилсээр байна. Тус улсад 2007 оноос хойш төрөлт бараг 23 хувиар буурсан үзүүлэлттэй байгаа юм. АНУ-ын Өвчнийг хянах, урьдчилан сэргийлэх төвөөс (CDC) 2026 оны 4 дүгээр сарын 9-ний Пүрэв гарагт гаргасан мэдээллээр, 2025 оны төрөлтийн түвшин 15-44 насны 1000 эмэгтэй тутамд 53.1 төрөлт байсан нь өмнөх оноос нэг хувиар буурсан үзүүлэлт юм. Мэргэжилтнүүд энэхүү өөрчлөлтийг залуу эмэгтэйчүүдийн амьдралын тэргүүлэх чиглэл өөрчлөгдсөнөөс гадна амьжиргааны өртөг, орон сууц, хүүхэд асрах үйлчилгээний үнэ зэрэг нийгэм, эдийн засгийн хүчин зүйлстэй холбон тайлбарлаж байна. Энэхүү бууралт нь АНУ-ын нийгэм, эдийн засагт урт хугацааны нөлөө үзүүлэх магадлалтай бөгөөд хүн ам зүйн бүтцэд томоохон өөрчлөлт авчирна гэж шинжээчид үзэж байна.
