Японд цахилгаан самбарын хуурамч үйлчилгээ үзүүлж, иргэдээс мөнгө залилахыг завдсан хэрэг гарчээ. Токио хотын цагдаагийн газар 31 настай сэжигтэн болон түүний гурван хамсаатанг залилан мэхлэхийг завдсан хэргээр баривчилсан байна. Тэд Токио хотод амьдардаг нэгэн эрэгтэйг гэрийнх нь цахилгаан самбарыг шалгах нэрийдлээр хуурч, ‘яг одоо солихгүй бол гал гарна’ хэмээн худал хэлж, 200 мянга гаруй иенийн төлбөр авахыг завджээ. Цагдаагийн газраас мэдээлснээр, ийм төрлийн залилангийн талаарх гомдол сүүлийн хоёр жилийн хугацаанд эрс нэмэгдсэн байна. Иймд цагдаагийн байгууллага иргэдийг сонор сэрэмжтэй байхыг анхааруулж, үл таних хүмүүстэй харилцахдаа болгоомжтой байхыг зөвлөж байна.
Японд хуурамч цахилгаан самбарын үйлчилгээгээр иргэдийг залилахыг завдав
