Ираны дээд удирдагч Можтаба Хаменеи АНУ, Израилийн эсрэг дайнд ‘эцсийн ялалт’ байгуулснаа мэдэгдэв. Энэ нь Израилийн Ливан руу хийж буй дайралт үргэлжилж, эмзэг гал зогсоох хэлэлцээр аюулд ороод буй үед гарч байна. Тэрээр дайн эхэлсэн эхний өдөр АНУ, Израилийн халдлагад амиа алдсан эцэг, Аятолла Али Хаменеигийн нас барсны 40 хоногийг тохиолдуулан пүрэв гарагт мэдэгдэл хийжээ. Хаменеи мэдэгдэлдээ, дайны туршид Иран ‘дэлхийг гайхшруулсан’ гэж онцолсон байна. Дайн эхэлснээс хойш олны өмнө харагдаагүй, дуу хоолойгоо хүргээгүй 58 настай Хаменеигийн мэдэгдлийг телевизээр уншиж танилцуулсан юм.
