Өмнөд Солонгосын Бусан хотын хойд боомтын сувагт төөрсөн акул тус улсын хамгийн сүүлийн үеийн алдартан болж, жуулчдыг ихээр татаж байна. Эрх баригчид акулыг далай руу буцаан гаргах оролдлого хийсэн ч одоогоор амжилтгүй байна. Энэ акулыг есдүгээр сарын 18-нд Бусаны Хойд боомтын нарийн сувагт анх харжээ. Түүнийг ямар төрлийн акул болох талаар мэдээлэл харилцан адилгүй байгаа ч, ихэвчлэн бухын акул эсвэл хүрэл халимны төрлийн акул байж магадгүй гэж таамаглаж байна. Акул нь 3.5 метр орчим урттай, нэлээд том биетэй. Түүнийг Бусаны Хойд боомтын солонгос нэр болох Бук Хангаас гаралтай ‘Буканги’ хэмээн нэрлэжээ. Бусан хотын захиргаанаас мэдээлснээр, сүүлийн хоёр долоо хоногт 600 мянга орчим хүн энэ амьтныг үзэхээр ирсэн байна. Чусок баярын дөрвөн өдрийн амралтын үеэр бараг хагас сая хүн акул төөрсөн усан паркаар зочилжээ.
Өмнөд Солонгост сураггүй болсон акул хагас сая жуулчин татлаа
