Шведийн Ерөнхий сайд Ульф Кристерссон тус улсын бүх нийтийн сонгуульд баруун төвийн эвсэл нь зүүн төвийн сөрөг хүчинд ялимгүй ялагдсаны дараа огцрохоо мэдэгдлээ. Тэрбээр энэ тухайгаа пүрэв гарагийн үдээс хойш X сошиал хуудсандаа нийтэлсэн байна. Ням гарагийн сонгуулийн урьдчилсан дүнгээр 10 сая хүн амтай Шведийн хоёр эвслийн хооронд 50 мянга орчим саналын зөрүү гарчээ. Социал демократ намын Магдалена Андерссон тэргүүтэй сөрөг хүчний намууд Шведийн парламентын 349 суудлаас 176-г нь авахаар болсон бол Кристерссоны баруун төвийн эвсэл 173 суудал авахаар байна. Консерватив үзэлтэй Кристерссон цагаачлалын эсрэг хатуу байр суурьтай Шведийн Ардчилсан намын дэмжлэгтэйгээр засгийн эрх барьж байсан бэ. Сонгуульд ялсан тохиолдолд тэдэнд Засгийн газрын албан тушаал амлаж байсан юм. Сонгуулийн албан ёсны дүнг энэ амралтын өдрүүдэд баталгаажуулна.
Шведийн Ерөнхий сайд Кристерссон сонгуульд ялагдсаны дараа огцров
