Украины Ерөнхийлөгч Володимир Зеленский Дэлхийн II дайны үеийн маргаантай цэргийн нэгжийн нэрнээс болж Польшийн хамгийн дээд шагнал болох Цагаан бүргэдийн одонгоо хураалгалаа. Польшийн Ерөнхийлөгч Карол Навроцкий өнгөрсөн сарын сүүлээр Украины Босогчдын Арми (UPA) хэмээх нэгжээр цэргийн ангиа нэрлэсэн шийдвэрийг ‘аймшигтай’, ‘ойлгоход бэрх’, ‘маш их урам хугалсан’ үйлдэл хэмээн тодорхойлов. Гэвч Навроцкий энэхүү дипломат маргаан Оросын эсрэг Украинд үзүүлэх Польшийн дэмжлэгт нөлөөлөхгүй гэдгийг онцоллоо. Харин Украины Гадаад хэргийн сайд Андрий Сибиха Варшавын энэ алхмыг ‘стратегийн алдаа’, ‘үл хүндэтгэсэн’ үйлдэл хэмээн буруушаав. Украинчууд 1940-1950-аад оны үед оршин тогтнож байсан UPA-г Зөвлөлтийн Улаан арми, Нацист Герман, Польшийн эрх баригчдын эсрэг Украины тусгаар тогтнолын төлөө тэмцсэн баатрууд гэж үздэг.
Зеленский Дэлхийн II дайны нэгжийн нэрнээс болж Польшийн дээд одонгоо алдав
