Өмнөд Солонгосын хэвлэлүүдийн 10 дугаар сарын 24-ний өдрийн дугаарт гарсан онцлох үйл явдлуудын тоймыг хүргэж байна.
Сөүл хотын дарга У Сэ Хүнийг давж заалдах шатны шүүх цагаатгав
Сөүл хотын захирагч У Сэ Хүнд холбогдох улс төрийн санхүүжилтийн тухай хууль зөрчсөн гэх маргааныг давж заалдах шатны шүүх хэрэгсэхгүй болгож, түүнийг цагаатгалаа. Шүүх бүрэлдэхүүн улс төрийн зуучлагч Мён Тэ Гюний мэдүүлгийг 'итгэх үндэслэл муутай' гэж үзсэн бөгөөд анхан шатны шүүхийн шийдвэрийг ийнхүү хүчингүй болгосон тухай 'Kookmin Daily', 'Donga Ilbo', 'Chosun Ilbo' тэргүүтэй гол сонинууд тэргүүн нүүрэндээ нийтэлжээ.
Хиймэл оюуны салбарыг дэмжих амлалттай зөрсөн цахилгааны таамаглал
'Maeil Business Newspaper' сонинд Засгийн газар хиймэл оюуны (AI) аж үйлдвэрийг эрчимтэй хөгжүүлэхээр төлөвлөж буй хэдий ч цахилгаан эрчим хүчний хэрэгцээний өсөлтийн урьдчилсан төсөөллөө 50 хүртэл хувиар бууруулсныг онцолсон байна.
'SK hynix' компани нөөц төлөвлөгөөгөө хэрэгжүүлж эхэллээ
'Korea Economic Daily' сонины мэдээлснээр хагас дамжуулагч үйлдвэрлэгч 'SK hynix' корпорац өөрийн охин компани 'Solidigm'-ийг АНУ-ын хөрөнгийн биржид бүртгүүлэх (IPO) шатны ажлыг түр зогсоож, 'Б төлөвлөгөө'-гөө хэрэгжүүлэхээр шийдвэрлэжээ.
