Франц улсад эрчим хүчний хэрэглээг сэргээгдэх эрчим хүчний үйлдвэрлэлтэй уялдуулах зорилгоор цахилгааны хөнгөлөлттэй тарифын хуваарийг шинэчлэх ажил эхэллээ. Уг өөрчлөлтийн талаарх албан ёсны мэдээллийг 2025 оны 10 дугаар сарын 02-ны өдөр нийтэлж, улмаар 2026 оны 10 дугаар сарын 28-ны өдөр шинэчлэн хүргэсэн байна.
Хэрэглэгчид тусгай гэрээний дагуу өдөрт нийт 8 цагийн турш хөнгөлөлттэй үнээр цахилгаан эрчим хүч ашиглах боломжтой хэвээр үлдэнэ. Харин урьд өмнө хэрэглэж ирсэн өглөөний 7 цагаас 11 цаг, оройн 17 цагаас 23 цагийн хоорондох хуваарийг шат дараатайгаар халахаар болжээ.
Шинэ зохицуулалтаар хуваарийг улирлын онцлогоос хамааруулан хуваарилж, нарны эрчим хүчний гарц нэмэгдэх зуны улиралд өдрийн цагаар түлхүү хөнгөлөлт үзүүлэхээр тусгав. Өвлийн улиралд нарны эрчим хүчний үйлдвэрлэл багасдаг тул эсрэгээрээ шөнийн цагуудад хөнгөлөлттэй тариф голчлон үйлчлэх юм.
Энэхүү шинэчлэлтийн хүрээнд хэрэглэгчид ямар нэгэн бичиг баримт бүрдүүлж, нэмэлт үйлдэл хийх шаардлагагүй бөгөөд цахилгаан түгээх байгууллагаас өөрчлөлтийг нэг сарын өмнө урьдчилан мэдэгдэнэ. Харин уг шинэ журам Корсика арал, Францын хилийн чанад дахь нутаг дэвсгэрүүд болон тусгай хэрэглээний гэрээтэй иргэдэд хамаарахгүй болохыг Эрчим хүчний зохицуулах хорооноос анхаарууллаа.
