Сөүл хотын захиргаа 2030 он гэхэд 500 бүрэн автомат автобусыг нийтийн тээврийн тогтмол маршрутад нэвтрүүлэхээр төлөвлөж байна. Энэхүү санаачилга нь Сөүл хотын захиргаа, Хьюндай Мотор компани болон Сөүл хотын автобусны тээврийн бизнесийн холбоо хооронд байгуулсан гурван талт гэрээгээр баталгаажлаа.
Гэрээний дагуу Хьюндай компани автомат системд зориулсан 11 метрийн тусгай автобуснуудыг үйлдвэрлэх юм. Эдгээр автобус нь электрон жолоодлого, тоормосны систем, нэмэлт аюулгүй байдлын хяналт, кибер халдлагаас хамгаалах системтэй байна. Хотын дарга О Сэ-хүн энэхүү төсөл нь иргэдийн өдөр тутмын зорчих хөдөлгөөнийг сайжруулж, аюулгүй байдлыг хангах чухал алхам гэдгийг онцоллоо.
Энэ төлөвлөгөө нь тээврийн салбарын өндөр зардал, жолооч нарын хөгшрөлтийн асуудлыг шийдвэрлэх зорилготой. Автомат автобуснуудыг 2027-2028 онд хөгжүүлж, туршиж, 2029 оноос хуучин автобуснуудыг үе шаттайгаар халах замаар 2030 он гэхэд 500 Level 4 автомат автобусыг ашиглалтад оруулах юм.
