Өмнөд Солонгосын Ерөнхийлөгч Ли Жэ Мён Украин улс Хойд Солонгосын хоёр цэргийн олзлогдогчийг Өмнөд Солонгост шилжүүлсэн тухай мэдээллийг задруулсанд харамсаж буйгаа илэрхийлэв. Тэрбээр үүнийг нууц хадгалах гэрээг зөрчсөн үйлдэл хэмээн үзэж, олон асуудал үүсгэж болзошгүйг анхааруулав. Украины Ерөнхийлөгч Володимир Зеленский Нью-Йорк хотноо болсон НҮБ-ын Ерөнхий Ассамблейн 81-р чуулганы үеэр Хойд Солонгосын хоёр цэргийг Өмнөд Солонгост шилжүүлсэн тухай мэдэгдсэний дараа Ли Жэ Мён X (хуучнаар Твиттер) хуудсандаа ‘Энэ мэдээллийг задруулахгүй байх нь олон асуудал үүсгэж болзошгүйг харгалзан үзэхэд бүх талаараа зөв байсан бөгөөд бид ингэхээр тохиролцсон’ гэж бичжээ. Зеленскийн үг хэлсний дараахан Украины Ерөнхийлөгчийн Тамгын газар Хойд Солонгосын олзлогдогчдыг Сөүлтэй шууд яриа хэлэлцээ хийж шилжүүлсэн гэж мэдэгдсэн юм. Ли Жэ Мён ‘Украин нууц хадгалах гэрээг зөрчиж шилжүүлгийн мэдээллийг задруулсан. Шалтгааныг нь мэдэхгүй ч харамсаж байна’ хэмээн тэмдэглэв.
Украин Хойд Солонгосын цэргүүдийн мэдээллийг задруулсан нь нууц хадгалах гэрээг зөрчсөн гэж Ли мэдэгдэв
