Австралийн Хойд Нутагт (NT) цахилгаан, ус, бохир усны үнэ өнөөдрөөс буюу 2026 оны 7 дугаар сарын 1-нээс 5.3 хувиар нэмэгдлээ. Энэ нь өнгөрсөн санхүүгийн жилийн 3 хувийн өсөлтөөс өндөр үзүүлэлт юм. Хойд Нутгийн Засгийн газар байгалийн хийн үнэ өссөнтэй холбогдуулан энэ санхүүгийн жилд цахилгааны үнийн татаасанд 58 сая гаруй доллар зарцуулж байна. Хойд Нутгийн гурван томоохон нийтийн аж ахуйн үйлчилгээ нь төрийн өмчид байдаг бөгөөд үнийн өөрчлөлтийг Нутгийн Засгийн газрын сангийн сайд тогтоодог. Сангийн сайд Билл Янь энэхүү 5.3 хувийн өсөлт нь Хойд Нутагт 6 дугаар сард таамаглаж буй 5.2 хувийн инфляцийн түвшинтэй нийцэж байгааг мэдэгдэв. Гэвч энэхүү үнийн өсөлтийг сөрөг хүчин болон ахмад настнуудыг төлөөлөх байгууллагууд шүүмжилж байна.
