Францын баруун өмнөд хэсгийн Мимизан хотод 68 настай петанк тоглогч өрсөлдөгч багийнхантайгаа маргалдаж байгаад металл бөмбөгөнд цохиулж амиа алджээ. Энэ хэрэг халууны улмаас сүүдэрлэх газар хайж, хотын талбайд тоглохоор ирсэн баг болон тэнд тогтмол тоглодог багийн хооронд үүссэн маргаанаас үүдэлтэй. Гэрчүүдийн мэдээлснээр, маргаан дэгдсэний дараа хохирогч бөмбөгөнд цохиулсан байна. Мон-де-Марсан хотын прокурорын газраас 81 настай эрэгтэйг баривчлан саатуулсан тухай мэдэгдэв. Прокурор Алекса Дубург орон нутгийн хэвлэлд өгсөн ярилцлагадаа ‘цуглуулсан нотлох баримтуудаас харахад 81 настай эрэгтэй хохирогчийг петанк бөмбөгөөр цохиж амийг нь хөнөөсөн бололтой’ гэжээ. Тэрбээр энэ хэргийг ‘бие махбодийн сөргөлдөөн болж хувирсан маргаан’ хэмээн тодорхойлсон бөгөөд хэргийн мөрдөн байцаалт үргэлжилж байна.
Францад петанк тоглогч маргааны улмаас бөмбөгөнд цохиулж нас барав
