Иран дахь дайны улмаас бордооны болон түүний гол түүхий эдийн нийлүүлэлт тасалдсанаар долоо хоногт 10 тэрбум хүртэлх хоол хүнс үйлдвэрлэгдэхгүй байх эрсдэлтэйг дэлхийн хамгийн том бордоо үйлдвэрлэгчдийн нэг болох Yara компанийн гүйцэтгэх захирал Свейн Торе Холсетер мэдэгдлээ. Тэрбээр БиБиСи-д өгсөн ярилцлагадаа, Хормузын хоолойгоор дамжих тээврийг хаасан Персийн булан дахь мөргөлдөөн дэлхийн хүнсний үйлдвэрлэлд аюул учруулж байна гэв. Бордоо бага хэрэглэснээс ургац буурч, хүнсний бүтээгдэхүүний үнийн өсөлтөд хүргэж болзошгүйг тэр анхааруулав. Холсетер Европын орнуудад үнийн дайн бусад орны ‘хамгийн эмзэг’ хүмүүст хэрхэн нөлөөлөхийг сайтар бодохыг уриалав. ‘Одоогийн нөхцөл байдлаас болж дэлхий даяар хагас сая тонн азотын бордоо үйлдвэрлэгдэхгүй байна. Энэ нь хүнсний үйлдвэрлэлд ямар нөлөө үзүүлэх вэ? Бордоо дутагдсанаас долоо хоногт 10 тэрбум хүртэлх хоол хүнс үйлдвэрлэгдэхгүй байх болно’ гэж Холсетер онцоллоо.
