АНУ-ын Ерөнхийлөгч Дональд Трамп Иран хэлэлцээр хийхээр ‘үхтлээ яарч байна’ гэж мэдэгдлээ. Вашингтон, Тегераны хоорондох яриа хэлэлцээ гурав дахь сардаа үргэлжилж байгаа ч зогсонги байдалд орсон хэвээр байна. Трамп Цагаан ордонд сэтгүүлчдэд хандаж хэлэхдээ, Ирантай хийж буй хэлэлцээний байдлыг цөөн хүн л мэднэ гэв. Тэрбээр мөн Ираны удирдлагын талаарх тодорхойгүй байдлыг онцолж, ‘Хэн удирдагч болохыг хэн ч баттай мэдэхгүй байгаа нь асуудал үүсгэж байна’ гэжээ. Дайныг дахин эхлүүлэх эсэх талаар асуухад Трамп ‘Бидэнд дахин дайн эхлүүлэх шаардлагатай эсэхийг мэдэхгүй байна… Гэхдээ шаардлагатай байж магадгүй’ хэмээн хариулсан байна. Трамп өмнө нь олон удаа хэлж байсанчлан, АНУ-ын Тэнгисийн цэргийн хүчний Ираны боомтуудыг бүсэлсэн нь тус улсыг хүнд байдалд оруулсан гэж мэдэгдэв.
