Солонгосын Ерөнхийлөгч Ли Жэ Мён Ойрхи Дорнод дахь дайн дэлхийн эрчим хүчний зах зээлийг донсолгож буй энэ үед эрчим хүч хэмнэхэд хамтран ажиллахыг улс орноороо уриалав. Тэрээр цахилгааны үнийг одоогоор өөрчлөхгүй гэдгээ мэдэгдсэн юм. АНУ-Израилийн Ирантай хийж буй дайны улмаас үүссэн нөлөөллөөс үндэсний эдийн засгийг хамгаалах зорилгоор Засгийн газар шатахууны үнийн дээд хязгаарыг дахин тогтоохоор бэлтгэж байгаатай холбогдуулан Ли энэхүү мэдэгдлийг эдийн засгийн онцгой байдлын хариу арга хэмжээний уулзалтын үеэр хийжээ. Тэрээр шатахуун түгээх станцуудыг үнийн дээд хязгаарын зорилгод нийцүүлэн үнээ тогтооход идэвхтэй хамтран ажиллахыг уриалсан байна. Ли ‘үндэсний хямралыг ашиглан хуйвалдаан, хомсдол үүсгэх зэрэг шударга бус аргаар ашиг олохыг тэвчихгүй бөгөөд Засгийн газар үүнд хатуу хариу барих болно’ гэж мэдэгджээ. Ерөнхийлөгч Ли одоогоор цахилгааны үнийг нэмэхгүй гэдгийг онцолсон юм.
