БНСУ дахь АНУ-ын зэвсэгт хүчний командлагч, генерал Ксавьер Брансон Японы Батлан хамгаалахын сайд Шинжиро Коизүмитэй Токио хотноо биечлэн уулзаж, бүс нутгийн хамтын ажиллагааны талаар ярилцлаа.
НҮБ-ын командлал болон Өмнөд Солонгос, АНУ-ын нэгдсэн хүчнийг давхар тэргүүлдэг генерал Ксавьер Брансон 2026 оны 11 дүгээр сарын 5-ны өдөр Японы талд хүндэтгэлийн айлчлал хийсэн байна.
Уг албан ёсны уулзалтад АНУ-аас Япон улсад суугаа Элчин сайд Жорж Гласс болон Японы Зэвсэгт хүчний нэгдсэн штабын дарга, генерал Хироаки Үчигүра нар мөн байлцав.
Энэтхэг, Номхон далайн бүс нутгийн энх тайван, тогтвортой байдлыг хангахын тулд холбоотон орнуудын батлан хамгаалах хамтын ажиллагааг цаашид эрчимжүүлэх нь чухал болохыг хоёр тал энэ үеэр онцлов.
Японы Батлан хамгаалах яам тус уулзалтын үеэр Умард Солонгосын асуудал болон Өмнөд Солонгос, АНУ, Японы гурван талт аюулгүй байдлын хамтын ажиллагааг хөндсөн эсэх талаар дэлгэрэнгүй мэдээлсэнгүй.
