Хятадын цэргийн онгоцууд Лаос дахь шинэ хамтарсан нисэх буудлыг ашиглаж эхэлсэн байж болзошгүй тухай Ройтерс агентлаг мэдээллээ. Есдүгээр сарын 30-нд авсан хиймэл дагуулын зурагт Бан Кеун нисэх буудалд Лаосын Агаарын цэргийн хүчинд байдаг гэж үнэлэгддэг К-8/ЖЛ-8 загварын сургалтын онгоцноос хоёр дахин их буюу найман онгоц харагдсан байна.
Эдгээр нь хоёр суудалтай сургалтын болон хөнгөн дайралтын зориулалттай онгоцууд юм. Мөн уг зурагт хорин таваас илүү цэргийн болон туслах зориулалтын тээврийн хэрэгслүүд харагджээ. Энэ нь Хятад улс Лаост цэргийн байгууламж байгуулж, ашиглаж эхэлсэн байж болзошгүйг харуулж байна.
