Японы Хууль зүйн сайд Кэйсүкэ Сүзүки 5 дугаар сарын 23-ны өдөр хийсэн хэвлэлийн хурлын үеэр цагаачлалын хяналтыг чангатгах хэд хэдэн чухал арга хэмжээг зарлав. Үүний дотор ‘JESTA’ нэртэй цахим зорчих зөвшөөрлийн системийг байгуулахыг баталгаажуулсан юм. Энэхүү систем нь визгүй зорчих иргэдийг урьдчилан шалгах зорилготой бөгөөд ‘Japan Electronic System for Travel Authorization’ гэсэн нэрийн товчлол ажээ. Өмнө нь ‘Японы ESTA’ гэж нэрлэгдэж байсан энэхүү систем нь 2009 онд нэвтрүүлсэн АНУ-ын загвараас санаа авсан байна. Сайд Сүзүки ‘Бид цахим зорчих зөвшөөрлийн системийн албан ёсны товчлолыг шийдлээ. Бусад орны жишгийг харгалзан өмнө нь ‘Японы ESTA’ гэж нэрлэж байсан ч одоо ‘JESTA’ гэсэн англи товчлолыг баталлаа’ хэмээн мэдэгдэв. Цаашид энэхүү системийг нэвтрүүлэхдээ гадаадын иргэдэд мэдээлэл хүргэх ажлыг хийх болно гэдгийг тэрээр онцоллоо.
Япон улс цахим зорчих зөвшөөрлийн системээ албан ёсоор баталлаа
