Өмнөд Солонгосын Гванжу хотын шүүх ахлах сургуулийн сурагч хөнөөсөн 23 настай Жан Юн-гид бүх насаар нь хорих ял оноолоо. Түүнийг хүчингийн болон бусад хэргээр буруутгаж, цахим хяналтын төхөөрөмж зүүх, хүүхэд, өсвөр насныхан, хөгжлийн бэрхшээлтэй иргэдэд үйлчлэх байгууллагад 10 жилийн хугацаанд ажиллахыг хориглох шийдвэр гаргав. Жан Юн-ги 5-р сарын 5-нд Сөүлээс баруун өмнө зүгт 270 км зайд орших Гванжу хотод 16 настай Ли Чэ-воныг хүчирхийлэх зорилгоор хулгайлахыг завдаж, улмаар амь насыг нь хөнөөсөн хэрэгт буруутгагдсан юм. Мөн тэрээр хохирогчид туслахаар ирсэн 17 настай эрэгтэй сурагчийг хөнөөхийг завдсан, хоёр хоногийн өмнө Вьетнам эмэгтэйг хүчирхийлсэн, өсвөр насны охины биеийг хууль бусаар бичлэг хийсэн зэрэг хэргүүдэд холбогджээ. Прокурорууд түүнд цаазаар авах ял оноохыг шаардсан боловч шүүх бүх насаар нь хорих ял оноосон байна.
Гванжуд ахлах сургуулийн сурагч хөнөөсөн этгээдэд бүх насаар нь хорих ял оноов
