Францын Naratis компани хиймэл оюун ухаан (AI) ашиглан олон нийтийн санал асуулга явуулж эхэллээ. Энэ нь улс төрийн санал асуулгын салбарт AI-г ашигласан анхны тохиолдол гэж тус компанийг 2025 онд үүсгэн байгуулсан 28 настай инженер Пьер Фонтейн мэдэгдэв. АНУ-д Outset, Listen Labs, Hey Marvin зэрэг компаниуд арилжааны салбарт AI санал асуулга явуулдаг ч улс төрийн чиглэлээр Naratis анхдагч болж байна. AI агент нь оролцогчдоос асуулт асууж, тэдний хариултыг гурван өөр AI агент нэгэн зэрэг боловсруулдаг. Нэг агент хариулт асуултад нийцэж байгаа эсэхийг шалгах бол нөгөө нь хариултын гүнийг үнэлж, шаардлагатай бол нэмэлт асуулт тавина. Гурав дахь агент нь оролцогч хуурамч эсвэл робот биш гэдгийг баталгаажуулдаг. Энэхүү шинэ арга нь санал асуулга цуглуулах цаг хугацааг хэмнэж, үр дүнг илүү нарийвчлалтай болгох боломжтой юм.
