Ред Булл багийн тэргүүлэх инженер Жианпьеро Ламбиасе 2028 оноос МакЛарен багт нэгдэхээр тохиролцлоо. Макс Верстаппены уралдааны инженерээр алдаршсан Их Британи эр Ламбиасе МакЛарен багийн захирал Андреа Стеллаг дэмжих үүрэг гүйцэтгэнэ. Түүний шинэ албан тушаалын нарийн ширийн зүйл одоогоор тодорхойгүй байна. Энэхүү шилжилт нь Формула 1 улам бүр нарийн төвөгтэй болж буй энэ үед МакЛарен багийн уралдааны үйл ажиллагааг бэхжүүлэх зорилготой юм. МакЛарен болон Ред Булл багууд энэ талаар албан ёсны тайлбар өгөхөөс татгалзсан ч, хоёр багийн өндөр албан тушаалтнууд БиБиСи Спорт агентлагт энэ мэдээллийг баталжээ. Ламбиасе нь одоогоор Ред Буллын уралдааны инженерийн хэлтсийн даргаар ажиллаж байгаа бөгөөд сүүлийн жилүүдэд Ред Буллээс МакЛаренд шилжсэн гурав дахь өндөр албан тушаалтан болж байна. Өмнө нь Роб Маршалл 2024 оны эхээр ерөнхий дизайнер, мөн Ред Буллын уралдааны стратегийн хэлтсийн дарга асан Уилл Куртс нар МакЛаренд нэгдсэн юм.
