Казахстаны Гадаад хэргийн сайд Мухтар Тлеуберди ОХУ-ын нийслэл Москва хотод зохион байгуулагдсан Хамтын аюулгүй байдлын олон улсын чуулганы нэгдсэн хуралдаанд оролцож үг хэллээ. Тэрбээр олон улсын яриа хэлэлцээг бэхжүүлэх, харилцан итгэлцлийг сэргээх болон олон улсын эрх зүйн хэм хэмжээг чанд сахихыг нийт оролцогчдод уриалсан байна.
Сайд Тлеуберди илтгэлдээ улс орнуудын хоорондын итгэлцэл суларч буй нь олон улсын дэг журам хийгээд эрх зүйн нэр хүндэд томоохон сорилт болж байгааг тэмдэглэв. Тогтвортой дэлхийн дэг журам нь зөвхөн цэрэг, улс төрийн хүчний тэнцвэрт тулгуурлаж чадахгүй бөгөөд эрх зүйн зарчим, итгэлцэл, мөн ноцтой санал зөрөлдөөнтэй үед ч яриа хэлэлцээг үргэлжлүүлэх чадварт суурилах ёстой гэдгийг онцоллоо.
Түүнчлэн тэрбээр олон улсын хамтын ажиллагааг тууштай хөгжүүлэхэд итгэлтэй байгаагаа илэрхийлээд, Евразийн ирээдүйг сөргөлдөөн, хуваагдлын шугамаар тодорхойлох учиргүй хэмээн мэдэгдэв. Бүс нутгийн ирээдүй харилцан хүндэтгэл, итгэлцэл болон нийтлэг сорилтуудыг хамтын хүчээр даван туулах хүсэл эрмэлзэл дээр тогтох ёстой гэж тэрбээр үзэж байна.
Энэ удаагийн чуулга уулзалтын хөтөлбөрт хамтын аюулгүй байдлын салбарын шинэ бүтээгдэхүүн, дэвшилтэт технологийг танилцуулсан үзэсгэлэн багтсан бөгөөд оролцогч талууд олон талт асуудлыг хэлэлцлээ.
