“DeepSeek” дэлхийн 140 улсад хамгийн их татагдсан гар утасны аппликейшнуудын жагсаалтыг тэргүүлж байна. Шинэ хэрэглэгчдийн дийлэнх нь БНЭУ-ын хэрэглэгчид байгаа аж.
“Appfigures”-ийн мэдээллээс үзэхэд “DeepSeek” хиймэл оюунт чатбот нь нэгдүгээр сарын 26-нд “App Store” дахь таталтынхаа тоогоор тэргүүлж, түүнээс хойш олон улсын хэмжээнд байр сууриа хадгалсаар байна. Энэхүү аппликейшн зах зээлд нэвтэрснээс хойш нийт таталтынх нь 15.6 хувийг энэтхэг хэрэглэгчид бүрдүүлжээ.
Мөн нэгдүгээр сарын 28-наас хойш “Android Play Store”-ийн нэгдүгээрт бичигдсээр байгааг “Sensor Tower”-ийн судалгаанаас харж болохоор байна. Худалдаанд гарсан эхний 18 хоногт 16 сая татан авалт хийгдсэн нь “OpenAI”-ийн “ChatGPT”-ийн есөн сая таталтаас бараг хоёр дахин өндөр дүн боллоо.
