Реал Мадрид 2023-2024 оны улиралд 1 тэрбум еврогийн орлого олсон анхны хөлбөмбөгийн клуб болжээ. Тодруулбал тэд $1.04 тэрбумын орлого бүртгэсэн анхны хөлбөмбөгийн баг болж, дэлхийн хамгийн их орлого олдог клубүүдийн жагсаалтыг тэргүүлжээ.
Реал Мадрид 2022-2023 оны улиралд нийт 831 сая еврогийн орлого олж, Манчестер Ситиг ардаа орхин жагсаалтын эхэнд эргэн ирсэн.
2023-2024 оны улиралд тэд LaLiga, Аваргуудын Лиг зэрэг гурван цом хүртэж, мөн Бернабеу стадионы шинэчлэлийн ажлын дараах тэмцээнүүдээс орлогоо нэмэгдүүлсэн нь тэднийг тэргүүн байраа ахиулж хадгалахад чухал үүрэг гүйцэтгэв.
Deloitte-ийн мэдээлснээр Реалын тоглолтын өдөр олох орлого хоёр дахин нэмэгдэж 248 сая евро болсон бол ханцуйны шинэ ивээн тэтгэлэг болон бараа бүтээгдэхүүний борлуулалт 19 хувиар өсөж, 482 сая еврогийн арилжааны орлого бий болгожээ.
Мөн 2023-2024 оны улиралд дэлхийн өндөр орлоготой 20 клуб нийлээд 11.2 тэрбум еврогийн орлого олж шинэ дээд амжилт тогтоосон байна.
Реал Мадридын дараа Манчестер Сити жагсаалтын хоёрдугаар байрт 838 сая еврогийн орлогоор бичигджээ.
Хэдийгээр Манчестер Сити Английн Премьер Лигт хамгийн их орлого олдог клуб хэвээр байгаа ч жагсаалтын эхний хоёр байрын хоорондох зөрүү (208 сая евро) урьд өмнө хэзээ ч ийм их байгаагүй юм.
Тавд багтсан бусад клуб:
3. Paris St Germain (806 сая евро)
4. Manchester United (771 сая евро)
5. Bayern Munich (765 сая евро)
