Мянга мянган Монголчууд Вьетнам аялах болсноор үнэн худал нь мэдэгдэхгүй олон зөвлөгөө гарж ирсэн.
Хамгийн эмгэнэлтэй нь бид аялахыг хүсэвч өөрт байгаа бүх худал төсөөллөөс болж, хэтэрхий эргэлзэж байгаа явдал юм.
Тиймээс өнөөдөр Вьетнамын талаарх хамгийн түгээмэл 3 буруу ойлголтыг хүргэе.
1. 6-10 сарын хооронд байнга бороо ордог. Вьетнамын аль хэсэгт байгаагаас шалтгаалан бороо өөр өөр байдаг. Ханой хот 6, 7, 8 сард жуулчдад хамгийн тохиромжтой бүс юм. 25 хэмээс 37 хэм хүртэл хуурай, нарлаг өдрүүдтэй. Ихэвчлэн хөх тэнгэртэй, нартай өдрүүдтэй. Хааяа л зарим газраар гэнэт бороо ордог. Фукуок болон өмнөд хэсэгт аадар бороо, аянга цахилгаантай борооны улирал эхэлдэг. *Өдөр нь үүлэрхэг, гэрэл гэгээтэй ч* шөнөдөө дуу цахилгаантай бороо ордог. Гэсэн хэдий ч Вьетнам шиг халуун оронд 20 хэмээс 25 хэмийн хооронд хэлбэлздэг тул хэт халуун биш.
2. Аягүй олон хүн бужигнасан, аялахад тав тухгүй байдаг. Үнэний ортой ч та хаагуур явах, хэдэн сард явахаас ихээхэн шалтгаалдаг. Хот бүрд оргил цаг гэж байдаг ба та энэ үед хотын төвөөс холдож байгалийн үзэмжит газарлуу аялсан нь зүгээр. 2024 оны 4 сар гэхэд л 1,5 сая жуулчид ирсэн. Иймд та мэргэжлийн хөтчийг дагаж явснаар хүн ихтэй газраар явахгүй байж болно. Харин 6-10 сард жуулчдын тоо эрс багасдаг ба борооны улирал ч гэсэн Вьетнам руу зорих хамгийн тохиромжтой цаг ч гэж хэлнэ.
3. Зөвхөн далайн гаралтай хоол зардаг. Вьетнам нь дэлхийн хамгийн олон хоолны төрөлтэй улс ба далайн од, наймаалж зэрэг далайн хоолнууд их ч үхрийн махтай, веган зэрэг энгийн хоолнууд ч элбэг. Мянга сонсохоос нэг үз гэдэг Монгол ардын зүйр цэцэн үгтэй адил Вьетнамд очиж байж л хэр гайхамшигтай гэдгийг ойлгодог юм байна лээ.
